Amurrioko Udalak, Euskal Fondoaren (Kooperanteen Euskal Toki Erakundeen Elkartea) bitartez, 30.803 euro emango ditu, Nikaraguan eta El Salvadorren bi proiektu finantzatzeko xedez. Proiektu horien helburua saneamendu eta ur edangarri sistema hobetzea izango da, eta El Salvadorreko herrixka batera ura heltzea ahalbidetuko dute.
Finantzatu beharreko proiektuetako bat Nikaraguako Las Azucenas landa komunitatean egingo da. Bertan, ur edangarri sistema hobetuko da, kantitateari, kalitateari eta iraunkortasunari dagokienez, 50 familiaren higiene, osasun eta ingurumen baldintzak hobetzeko. Proiektu horren bitartez, Las Azucenas landa komunitateko 2.200 pertsonen bizitza kalitatea hobetzen lagunduko da.
Bigarren lankidetza proiektuan ur edangarria sartuko da Caserío San José de La Montaña izenekoan, El Salvadorren dagoen La Hachadura herrian, bertako biztanleen bizitza kalitatea eta osasun egoera hobetuz. Horretarako, 100 m3ko banaketa tanke bat eta 10 kilometro hodi eraikiko dira, herria hornitzeko. Une honetan ez dute ur edangarririk eta, ondorioz, kontsumitzen duten ura azalerako iturburuetakoa da. Udan iturburu horien ahalmena nabarmen jaisten da. Proiektuaren bitartez, 188 familiak ur edangarria eduki ahal izango dute.