Amurrioko Udalak Izartzako guardiaren etxearen egokitzapen lanak egiten ari da, ingurumen ondarearen eta gune naturalen sustapenerako zentro bilakatzeko. Horretarako, beharrezkoa izango da ponpaketa sistema instalatzea San Roke baselizan, eraikinak ur edangarria izan dezan.
Guardiaren etxera ura eramateaz gain, obra horiek baliatuta, etorkizunean elektrizitatea eta zuntz optikoa instalatzeko egokitzapen lanak egingo dira.
Une honetan, leku hori, aldian behin mendi publikoan lan egiten duten brigadetarako biltegi eta babesleku gisa erabiltzen da, eta baita kirol ekitaldiren bat egiteko ere.
Hilabete inguruko iraupena izango duten lanak Excavaciones Campo enpresak egingo ditu, 39.784 euroren truke.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
