Arabako Foru Aldundia eta Amurrioko Udala boluntarioak ari dira bilatzen udalerrian, liztor asiarraren erreginak harrapatzeko tranpa gehiago jarri eta indartu nahi duen proiektu pilotua aurrera eraman ahal izateko. Helburua 50 tranpa jartzea eta horien eraginkortasunari buruzko datuak jasotzea da, erlezaintzaren sektorea kaltetzen ari den espezie inbaditzaile honen erreginak harrapatu ahal izateko.
Horretarako, beharrezkoa da proiektuan boluntarioek parte hartzea eta, ondorioz, informazio bilera deitu da datorren apirilaren 5ean, eguerdiko 12:00etan, Amurrioko Udaletxeko osokoen aretoan, proiektuan parte hartu gura duten pertsona guztiei informazioa emateko.
Boluntarioek zenbait tranpa jarri eta harrapaketei buruzko datuak hartu beharko dituzte astero, proiektuak irauten dituen zortzi asteetan. Udala izango da partaideen informazioa bildu eta jasotako informazio hori Arabako Foru Aldundira bidaliko duena.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
