Amurrioko biztanleek udalerriko proiektu estrategikoak baloratuko dituzte

Erabiltzailearen aurpegia Amurrioko Udala 2019ko api. 8a, 22:38

Osasun etxea baloratu ahalko dute herritarrek, besteak beste. / Aiaraldea.eus

Udalerriko postontzi guztietan banatuko diren liburuxken bitartez, proiektuen aurrean duten gogobetetze maila ezagutzeko formularioa betetzeko aukera izango dute. Balorazioak Kiroldegian, Liburutegian, Udaletxean eta Kultur Etxean utzi ahal izango dira, maiatzaren 3ra arte egongo diren hautestontzietan.

Amurrioko Udalak, Udalaren iritziz estrategikoak diren zenbait proiekturen inguruan Amurrioko herritarrek egiten duten balorazioa ezagutzeko ekimena jarri du martxan, udal kudeaketa orokorra egokitzeko hobetu beharreko alderdiak identifikatzeko xedez.  

Horretarako, proiektu estrategikoak jasotzen dituzten liburuxkak banatu ditu postontzi guztietan, eta horiekin batera, proiektuen aurreko gogobetetze maila adierazteko formularioa (1etik 5era baloratuz). Era berean, partaideek euren erantzuna argumentatzeko edo zerbait aipatzeko aukera izango dute.

Baloratu beharreko proiektuak hauek dira:

  1. PILOTALEKU KALEKO URBANIZAZIO ETA EGOKITZAPEN LANEN PROIEKTUA
  2. OSASUN ETXEA
  3. NERBIOI IBAIKO PARKE LINEALA
  4. AMURRIO LAGUNKOIA
  5. ZAHARTZE AKTIBOA
  6. TOKI ETA ESKUALDE ENPLEGU PLANAK
  7. HAZ
  8. ERABILERA ANITZEKO ZELAI BERRIAREN ERAKETA
  9. SANEAMENDU SAREAREN ZAHARBERRITZEA
  10. PARTAIDETZAN OINARRITUTAKO AURREKONTUAK

Proiektu horiei buruzko balorazioak Kiroldegian, Liburutegian, Udaletxean eta Kultur Etxean utzi ahal izango dira, udal instalazio horietan maiatzaren 3ra arte egongo diren hautestontzietan.
Ekimenean lortutako emaitzak udal webgunean argitaratuko dira. 

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide