Jarduketa horretan, une honetan dauden eskaileren ordez, espaloiaren eta eraikinaren sarreraren artean dagoen metro bateko kota gaindituko duen arrapala jarriko da. Horrez gain, sarbidea beste eskailera batzuekin osatuko da. Lan hori, indarrean dagoen arautegia betetzeko Udalak martxan jarri duen Amurrioko Irisgarritasun Planaren barruan dago.
Obrak 34.101,99€-ko inbertsioa eskatuko du, eta Arabako Foru Aldundiaren eta Eusko Jaurlaritzaren diru-laguntzak jaso ditu.
Irisgarritasun arloko hobekuntzak hiri ingurunean
Udalerriko irisgarritasuna hobetzea Amurrioko Udalaren lehentasunezko helburua da. Hori dela eta, diru-laguntza eskatu zaio Ingurumen, Lurralde Plangintza eta Etxebizitza Sailari, udalerriko oinezkoentzako ibilbideetan eta igarobideetan irisgarritasuna hobetzeko zenbait jarduketa egiteko.
Diru-laguntzaren xede diren lanen barruan, une honetan indarrean dagoen irisgarritasun arautegira egokitzeko lanak sartuko lirateke, Aldai, Etxegoien eta Jose Medinabeitia kaleek bat egiten duten inguruko oinezkoentzako ibilbideetan eta igarobideetan. Bigarren jarduketa Lexarraga plazan egingo litzateke.
Jarduketa horiek aurrera eramateko aurrekontua 81.766 eurokoa da.