.jpg)
Amurrion, 2019ko abenduaren 26an. Amurrioko Udalak, Berdintasun Sailaren bitartez, emakumeei zuzendutako doako bi tailer antolatu ditu. Lehenengoa, “Eta gero esango duzue bost edo sei baino ez garela”, urtarrilaren 10ean eta 11n izango da, Laia Eskolaren programazioaren barruan, eta Josebe Iturriozek emango du. Bestalde, urtarrilaren 21ean, mindfulness eta helburu pertsonalen “Arimaren sekretuak” tailerra hasiko da, eta martxoaren 17ra arte iraungo du. Plazak mugatuak dira bi tailerretarako; beraz, beharrezkoa da aldez aurretik izena ematea. Tailerrak hasi baino bi egun lehenagora arte egin ahal izango da.
Mindfulness tailerra
“Arimaren sekretuak” tailerra osasun mentalean eta teknika psikoterapeutikoetan espezializatutako María Belén Andrés psikologoaren eskutik egingo da, eta helburua bizitzeko estilo berri bat ezartzea da, genero-ikuspegia barne hartzen duen errealitatearen interpretazio-eskema pertsonal egokia eskuratuz. Bi orduko 8 saio izango dira, 18:00etatik 20:00etara, astean behin. Formatuak, saio bakoitzean ikasitakoa astean zehar entrenatzeko eta finkatzeko aukera emango die parte-hartzaileei.
Tailerra bi bloke handitan banatuta egongo da. Alde batetik, mindfulness entrenamendu bat egingo da, burua lasaitzen, oraingo unea adi bizitzen eta norberaren errealitatearen kontrola eskuratzen ikasteko. Meditazioan eta pentsamenduen eta emozioen kontrolean trebetasuna lortu ondoren, ikastaroaren bigarren zatia helburu pertsonalak ezagutzera bideratuko da, autoestimua eta autoezagutza landuz, erabaki pertsonalak eta helburuen mapa eginez, eta ametsak eta desioak erakartzeko expres-teknikak landuz.
“Gure izateko, jarduteko, sentitzeko eta pentsatzeko modu pertsonalean instalatutako molde okerrak apurtzen dituen eskema berria norberaren errealitatearen interpretazio-sisteman instalatzen hasteko entretenimendu-programa da. Kontrol mentala eskuratzen ikasiko dugu, gure nortasunean emozioen errepertorio egokia instalatuko dugu eta jarrera pertsonalak egokituko ditugu, pentsatzeko eta sentitzeko modu berriarekin bat etortzeko. Pixkanaka, bizitzeko estilo berria eskuratzen saiatuko gara, benetan izaten, egoten eta harremanak edukitzen lagunduko diguna, hainbeste sufrimendu barik, gogo handiagoz eta bakoitzaren barruan benetan dagoena azaleratuz”, azaldu du Maria Belen Andres ikastaroko irakasleak.
Tailerrean parte hartzeko plazak mugatuak dira, eta horregatik, beharrezkoa da aldez aurretik izena ematea Amurrioko Udaleko Berdintasun Sailean edo raguilar@amurrio.eushelbide elektronikora idatziz, urtarrilaren 17a baino lehen. Haurtzaindegi zerbitzua izango du tailerrak, baina ikastaroa egin baino hiru egun lehenago abisatu beharko da.
“Eta gero esango duzue bost edo sei baino ez garela"
Urtarrilaren 10ean eta 11n, Laia Eskolaren programazioaren barruan, Josebe Iturrioz filosofo eta ekintzaile feministak “Eta gero esango duzue bost edo sei baino ez garela” tailerra emango du Amurrioko Kultur Etxean. Tailerrak feminismoaren historian zehar ibilbidea egingo du, bere jatorritik, begirada feministatik; bertan, kontatu nahi izan ez denaren, erresistentzia baten historiaren, azpiratuak izan nahi izan ez duten emakumeen arrastoak bilatuko dira.
Jarduera hori bi jardunalditan banatuko da, urtarrilaren 10ean 18:00etatik 21:00etara, eta urtarrilaren 11n 10:30etik 14:00etara. Izen-ematea urtarrilaren 8ra arte egongo da zabalik eta Udaleko Berdintasun Arloan edo raguilar@amurrio.eus helbide elektronikora idatzita egin ahal izango da.