Igande honetan, RFEAko kros zirkuituaren barruan dagoen Amurrioko II. Krosa hartuko du Reforrek

Erabiltzailearen aurpegia Amurrioko Udala 2020ko urt. 21a, 16:07

Aurtengo kroseko kartela./ Amurrioko Udala

Lehen aldiz, lasterketa hori Espainiako Atletismo Errege Federazioaren egutegian sartuko da. Hitzorduak 800 atleta baino gehiago biltzea aurreikusten du, haur kategoriatik hasi eta senior kategoriaraino.

Igande honetan, urtarrilaren 26an, Reforrek, lehen aldiz Espainiako Atletismo Federazioaren egutegian dagoen Amurrioko krosaren bigarren edizioa hartuko du. Goizean zehar, 17 lasterketa egongo dira, 10:00etatik aurrera.

Oinkariak Atletismo Klubak antolatzen eta Amurrioko Udalaren laguntza duen probak Euskadi osotik eta gertuko lurraldeetatik etorritako 800 atleta baino gehiago bilduko ditu. Adin guztietako korrikalariak elkartuko dira, federatu maila guztietakoak, eta 1.000 metrotik 9,5 kilometro arteko distantziak egingo dituzte.

Horrez gain, 11:00etan, lasterketa herrikoia egingo da. Lasterketa horretan parte hartu nahi dutenek www.kirolprobak.com webgunean izena emanez parte hartu ahal izango dute. Izen-ematea ostiralera arte egin ahal izango da.

 

RFEAko proba ofiziala

Amurrioko Krosaren bigarren edizioa Espainiako Atletismo Errege Federazioaren egutegian sartu da lehen aldiz proba ofizial gisa. “Oso pozik gaude Espainiako Federazioak antolatzen duen kros egutegi ofizialaren barrura sartuta eman dugun pausoarengatik. Hazteko lanean jarraituko dugu”, azaldu du Pablo Mas Oinkariak Atletismo Klubeko presidenteak.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide