Gaurtik aurrera “Galeria” izeneko YouTubeko kanala du, udalerriko eduki soziokulturalak zabaltzeko. Astelehenero Amurrioko kultura eta bizitza islatuko duen bideo bat argitaratuko da. Halaber, udal webgunean mediateka eratuko da, sortutako eduki guztia biltzeko, eta baita udal-eskolen, elkarteen eta tokiko artisten edukietarako estekak ere.
Amurrioko Udalak komunikaziorako bide berrien aldeko apustua egin du, eta gaurtik aurrera “Galeria” izeneko YouTubeko kanal berria du, udalerriko jarduera soziokulturalekin erlazionatutako edukiak zabaltzeko. Gainera, koronabirusari aurre egiteko baliabideei buruzko udal webgunean sortutako espazioan, mediateka bat sortu da YouTubeko kanalaren edukiak eta udalerriko elkarteek, artistek eta eskolek egindako edukiak jartzeko.
Kanal berria San Prudentzioko balkoietako danborradari buruzko bideoarekin inauguratuko da. Amurrioko bizilagunak dira bideoaren protagonistak, eta alarma egoeran egon garen bitartean udalerrian bizi izandako unerik berezienetakoa islatzen du. Ikus-entzunezko komunikaziorako bide berri horren helburu nagusietakoa udalerriko ondare soziokulturalari balioa ematea eta auzotarrekin konektatzea da.
Astelehenero bideo berri bat argitaratuko da Amurrioko kultura eta bizimodua pilula txikien bitartez islatzeko. Eduki guztia YouTubeko kanalean egongo da eskuragarri. Kanala udalak sortu du, “Galeria” izena du, eta herritarrak esteka honetan harpidetzera animatu nahi ditugu bideorik ez galtzeko: https://www.youtube.com/channel/UCZFZVX_fRcUXhOgI7dhAHqw/videos
Udalaren webgunean sortutako mediatekara ere jo daiteke gaurtik aurrera: https://amurrio.eus/coronavirus-covid-19/servicios-socioculturales/
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
