Amurrioko Udalak 100.000 euro bideratu ditu enpresa txikiei eta ertainei eta autonomoei zuzendutako laguntza zuzenetara

Erabiltzailearen aurpegia
Amurrioko Udalak gaur bertan zabaldu du diru-laguntzen nondik norakoak./ Aiaraldea.eus

Udalerriaren suspertze ekonomikoa bultzatuko duten laguntza ekonomikoak ematera zuzendutako 100.000 euroko partida artikulatu da. Eskabideen aurkezpena, deialdia ALHAOn argitaratu eta hurrengo egunean hasi eta irailaren 30ean amaituko da.

Amurrioko Udalak, enpresa txiki eta ertainei eta autonomoei zuzendutako 100.000 euroko partida ekonomikoa prestatu du, osasun krisiak eragindako ondorio negatiboak arintzeko eta herriko ekonomia suspertzeko.

Laguntza zuzen sorta hori, ekainaren erdialdean aurkeztutako ‘Amurrion bizi’ programaren barruan dago. Programa horren helburua, hainbat neurri hartuta, suspertze ekonomikoaren bitartez, Amurrio indartzea da.

“Badakigu enpresa txiki eta ertainek eta autonomoek gure udalerrian osatzen duten enpresa-sarea oso garrantzitsua dela. Hori dela eta, maila globalean gertatzen ari den ekonomiaren moteltzea dela eta horietako asko jasaten ari diren ondorioak ikusita, 100.000 euroko partida hori gaitzeko egin dugu lan, egoera zail hori ahal dugun neurrian arintzeko. Gainera, beharra berehalakoa dela kontuan hartuta, eskatutako laguntzak gauzatzeko epeak ahalik eta laburrenak izan daitezen egingo dugu lan”, esan du Josune Irabien Amurrioko alkateak.

Zuzeneko laguntza-lerro hori, udalerrian jarduera ekonomiko bat gauzatzen ari diren edo ari ziren eta Covid-19ak eragindako pandemiaren ondorioz diru-sarrerak murriztuta ikusi dituzten enpresa txiki eta ertainei eta autonomoei laguntzera dago bideratuta. Gauzatutako enpresa-jardueraren arabera, laguntzaren gehieneko zenbatekoa 300 euro eta 500 euro artekoa izango da.

Baldintza hauek betetzen dituztenek jaso ahal izango dituzte laguntzak:

Amurrioko udalerrian jarduera ekonomiko bat gauzatzea, gaur egun edo alarma-egoera adierazi zen unean, eta Ekonomia Jardueren gaineko Zergan alta emanda egotea (edo 2020ko martxoaren 14an hala egotea), epigrafe hauetakoren batean:

- 1. sekzioa (enpresa jardueretarako JEZeko epigrafeak): 4. atala (Beste manufaktura-industria batzuk), 5. atala (Eraikuntza), 6. atala (Merkataritza, jatetxeak eta ospitaleak, konponketak), 7. atala (Garraioa eta komunikazioak), 8. atala (Finantza erakundeak, aseguruak, enpresei emandako zerbitzuak eta alokairuak) eta 9. atala (Beste zerbitzu batzuk).
- 2. sekzioa (Jarduera profesionaletarako JEZeko epigrafeak)
- 3. sekzioa (Jarduera artistikoetarako JEZeko epigrafeak).

Pertsona fisikoen kasuan, udalerrian erroldatuta egotea edo jarduera ekonomikoari lotutako establezimenduren bat izatea. Pertsona juridikoen kasuan, haien egoitza sozialak Amurrion egon beharko du.

Lantaldea ez da 5 langiletik gorakoa izango, jardueraren titularra barne.

Adierazitako baldintzaren bat betetzen ez duten enpresen ehuneko 25etik gorako lotura edo partaidetza ez izatea.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide