SETEM Hego Haizeak haritik tira egitera gonbidatuko du hainbat jardueren bidez, arroparen kontsumoarekin lotutako inplikazioak birpasatu eta eraldatzeko asmoarekin. Esaterako, estereotipo eskuraezinen ezarpena edo ehungintzako manufakturaren esplotazio-baldintzak jorratuko dira. Jarduera horietako bat Amurrion izango da, Udal Berdintasun Sailarekin batera antolatuta.
"Zer ezkutatzen da zure arroparen etiketen atzean?" Ikastaroa izango da, apirilaren 20an, asteartea, arratsaldeko 18:00etatik 20:00etara Kultur Etxean. Ikastaro honetan "Fast Fashion" delakoak dituen inpaktuak ezagutaraziko dira, eta kutsadura eta esplotazioa minimizatuko duen arropa kontsumo kritikoa egiteko tresnak proposatuko dira. SETEMek emango du, Estatuan Arropa Garbia Kanpaina koordinatzen duen GGKEak. Parte hartzea doakoa da, baina izena eman behar da berdintasuna@amurrio.org helbidera idatziz.
Rana Plaza eraikinaren hondamendiaren urteurrena
Datorren apirilaren 24an ehungintzaren historiako hondamendirik handienaren zortzigarren urteurrena ospatuko da. Arropa josten zen tailerrak zeuden Bangladeshen Rana Plaza eraikinaren kolapsoa, zeinek 1.138 langile hil eta 2.000 baino gehiago zauritu zituen. Data hori dela eta, SETEM Hego Haizeak bere Balio Faktoriaren prestakuntza-programa arroparen kontsumo kritikoa egitera bideratuko du apirilean. www.factoriadevalores.eus webgunean informazio osoa dago eskuragarri.