Amurrioko inauteriak ate joka daude eta programazio espezifikoa izango dute otsailaren 26an eta martxoaren 1ean. Ohiko Kakarro Birigarro mozorro-lehiaketa berreskuratuko da, denda eta ostalaritzako dekorazio-lehiaketarekin batera. Egitaraua osatzeko, musika animazioa herriko kaleetan zehar, disko-festa eta txokolatada izango dira.
Larunbatean egutegian gorriz markatutako hitzorduetako bat berreskuratuko du Amurriok; aurten, helduen kategorian, gai nagusi itsasoa eta umeak izango dituen Kakarro Birigarro mozorro-lehiaketa. Desfilea 19:00etan hasiko da Santa Maria elizan, Mariaka eta Mariganbon buru direla, eta Elexondo, Crucero, Aiara eta Iturralde kaleetatik igaroko da, Juan Urrutia plazan egingo den txokolatadarekin amaitzeko.
Parte hartzeko otsailaren 21etik 25era bitartean eman ahal izango da izena, 9:00etatik 13:30era eta 16:00etatik 20:00etara, Kultur Etxean, eta 4 kategoria izango ditu, honako sari hauekin:
A kategoria: 1 eta 3 pertsona artean
Lehen saria: 75 euro eta Kakarroren irudi bat.
B kategoria: 4 eta 10 pertsona arteko taldeak
Lehen saria: 250 euro eta Kakarroren irudi bat.
Bigarren saria: 150 euro eta Kakarroren irudi bat.
Hirugarren saria: 90 euro eta Kakarroren irudi bat.
C kategoria: 10 pertsona baino gehiagoko taldeak
Lehen saria: 450 euro eta Kakarroren irudi bat.
Bigarren saria: 200 euro eta Kakarroren irudi bat.
Hirugarren saria: 100 euro eta Kakarroren irudi bat.
D kategoria: Helduek eta umeek osatutako taldeak (gutxienez 3 pertsona)
Lehen saria: 200 euro eta Kakarroren irudi bat.
Bigarren saria: 125 euro eta Kakarroren irudi bat.
Gainera, desfileko koreografiarik onenak saria jasoko du, 120 euro APYMCA kupoietan eta Kakarroren irudia, eta parte hartzen duten guztien artean 0 kilometroko produktuz osatutako bi saski zozketatuko dira.
Egun horretan, programazioa jarduera hauekin osatuko da:
17:00-18:30, musika animazioa kaleetan zehar TXARANGA KALEAN Fanfarrearekin.
17:00-18:30, musika animazioa BOMBO FESTA taldearekin Juan Urrutia plazan.
20:00-22:30, disko-festa BOMBO FESTAren eskutik, Juan Urrutia plazan.
20:30ean, mozorro-lehiaketaren eta saltokietako eta ostalaritzako dekorazio-lehiaketaren sari banaketa.
Martxoaren 1ean, inauterietako asteartean, programazioa San Anton Plazan egingo da 16:45etatik aurrera, Aurrerakak eta Gazteen Gurutze Gorriak antolatuko duten txokolatadarekin. Ondoren, 17:00etan, umeentzako “XAIBOR BERRIA” musika ikuskizuna izango da, koreografia eta lehiaketekin, besteak beste. Jaiari amaiera emateko, Kakarro Judas erreko da 18:30ean Juan Urrutia plazan.
Dekorazio-lehiaketa saltokietan eta ostalaritzan
Amurrioko saltokiak eta ostalaritza 2022ko inauterietako parte izango dira, bertako lokalak apainduta. Parte-hartzaileentzat bi sari egongo dira: Inauterietan girotutako saltokien erakusleiho onenarentzako Saria, 200 euro eta Kakarroren irudi bat, eta Inauterietan girotutako taberna onenarentzako Saria, 200 euro eta Kakarroren irudi bat. Izena emateko epea otsailaren 21ean irekiko da, 9:00etatik 13:30era eta 16:00etatik 20:00etara, Kultur Etxean, eta otsailaren 25eko 13:30ean amaituko da.