Aste honetan hasi dira Amurrioko Etxegoien kaleko aparkalekua eraikitzeko lanak. Aparkaleku berriak 56 plaza izango ditu, horietako bi egokituta, 307.896 euroko inbertsioa eskatuko du, eta 10 aste barru amaitzea aurreikusten da.
“Funtsezko jarduketa da inguru horretan, izan ere, inguruan hiru ikastetxe daude. Gainera, Amurrioko bizilagunek aukeratu zuten proiektua, eta Etxegoien kalea berrantolatzea ahalbidetuko du”, azaldu du Txerra Molinuevo alkateak.
Etxegoien kaleko aparkaleku berriak Amurrioko herritarrek udal-aurrekontu parte-hartzaileen AmurriokoEKIN programan hautatutako proiektuetako bati erantzuten dio. Jarduketa horrek, gainera, inguruan dauden Aresketa Ikastolaren, Zaraobe Institutuaren eta Amurrioko Tantaka Haurreskolaren ekipamendu osagarria sortzea dakar.
Aparkalekua eraikitzearekin batera, inguruan egindako azterlan baten ondoren, galtzada berrantolatzea aurreikusten da, zenbait aparkaleku kenduz.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
