Amurriok mapa batean irudikatu ditu erabilera publikoko komunak eta desfibriladoreak

Erabiltzailearen aurpegia

Komun publikoak eta udal desfibriladoreak non dauden jakiteko mapa egiteko ekimena Adinekoen Kontseilutik sortu da. Udal-eraikin edo -instalazioetan eta udalerriko hainbat puntutan herritarren eskura dauden komunak, horien kanpoaldean egongo den plakarekin identifikatuko dira.

Amurrioko Udalak, Adinekoen Kontseiluarekin batera, herritarrentzako erabilera publikoko komunak jasotzen dituen mapa egin du. Komun horiek udal-eraikin edo -instalazioetan eta udalerriko hainbat tokitan daude. Mapa berean, desfibriladoreak dauden puntuak ere adieraziko dira.

Ekimena Amurrioko Adinekoen Kontseilutik sortu da, eta plaka batekin identifikatuko ditu herritarrentzat eskuragarri dauden 11 komunak eta, beharrezkoa izanez gero, erabiltzeko prest dauden 6 desfibriladoreak.

Ekintza horren bitartez, Amurrioko Udalak udalerriko bizilagunen bizi-kalitatea hobetzeko konpromisoa hartu du. “Adinekoen Kontseiluak helarazitako proposamenak hobekuntza orokorra dakar herritar guztientzat, eta udal instalazioak eta ekipamenduak amurrioarren zerbitzura jartzen ditu” azaldu du Txerra Molinuevo Amurrioko alkateak.

Plakarekin identifikatutako erabilera publikoko komunen zerrenda:
1. Larrabeko zelaia
2. Goikolarra
3. Bera bakarrik garbitzen den San Rokekoa 
4. Bera bakarrik garbitzen den Elizakoa 
5. Bera bakarrik garbitzen den Parkekoa 
6. Pilotalekua
7. Udaletxea
8. Kultur Etxea
9. Liburutegia
10. Kiroldegia
11. Refor

Udal eraikin edo instalazioetako desfibriladoreen zerrenda:
1. Pilotalekua
2. Refor (aldagelak)
3. Kiroldegia
4. Udal igerilekuak (udan)
5. Udaletxea (neguan)
6. Udaltzainen autoa

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide