Amurrion urtero egiten den Erakusketa Filateliko Numismatikoa La Casonako erakusketa aretora iritsiko da azaroaren 12tik 26ra. Erakusketa 17:00etatik 19:00etara egongo da ikusgai lanegunetan (astelehenetan izan ezik) eta 12:00etatik 14:00etara larunbat eta igandeetan. Aurreko urteetan bezala, bilduma gonbidatu bat egongo da, eta, oraingoan, askotariko materialez egindako hainbat arrosario, lepoko, dezena eta eraztun izango dira.
Azaroaren 15ean, 17:00etatik 19:00etara, aldi baterako estafeta bat instalatuko da, El Refor eraikinaren zigilua eta zigilu-marka dituzten gutunak mundu osora bidali ahal izateko. Gainera, erakusketa tradizional horretan zehar hainbat jarduera egingo dira.
Bi hitzaldi antolatu dira La Casonan. Lehenengoa azaroaren 16an izango da, 18:30ean, filateliari buruz, eta, hurrengo egunean, ordu berean, bigarrena, numismatika gaitzat hartuta. Beste urte batzuetan bezala, ‘El saber numismático’ lehiaketa ere egingo da erakusketa aretoan, gazteen artean jakin-mina bultzatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
