Amurrioko Udalak Negulekuak 2022 izeneko doako ludoteka zerbitzua antolatu du abenduaren azken asterako eta 2023ko urtarrilaren hasierarako, umeek Gabonetan euskaraz jolasteko aukera izango duten gunea.
Ekimena abenduaren 26tik 30era eta urtarrilaren 2tik 5era izango da, egun horietarako prest egongo den udal ludoteka berrian. Negulekuak 2019 eta 2014 artean (biak barne) jaiotako umeei dago zuzenduta eta ordutegia 09:00etatik 13:00etara izango da.
Izen-ematea
Plazak mugatuak direnez, interesdunek Udalaren webgunean deskarga daitekeen inskripzio-orriaren bidez eman beharko dute izena, eta Udaleko Herritarren Arretarako Zerbitzuan edo Kultur Etxean entregatu edo aiturbe@amurrio.eus helbidera bidali. Izena emateko epea abenduaren 1etik 14ra izango da, biak barne.
Amurrion erroldatutakoek lehentasuna izango dute, eta erroldatu gabeek libre geratzen diren plazak bete ahal izango dituzte. Izena emateko aurreikusitako plaza kopurua gainditzen bada, zozketa egingo da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
