Amurriok Euskal Jaia ospatuko du ekainaren 1etik 3ra

Erabiltzailearen aurpegia Amurrioko Udala 2023ko mai. 24a, 11:30

Programazioa ostegunean hasi eta larunbat osoan zehar luzatuko da, dantza, musika eta haurrentzako jolasekin.

Amurriok Euskal Jaia ospatuko du datorren asteburuan. Jaia ekainaren 1ean, ostegunean, hasiko da, “pintxo-potearekin” eta “Ugarte Otxotearen” kalejirarekin, arratsaldeko 19:30etik 21:30era.

Kalejira batek emango dio hasiera Euskal Jaiari ekainaren 3an, larunbatean. Ibilbidea 11:30ean hasiko da Guk auzoan, eta Mendiko Auzotik eta Elizatik jarraituko du, plazan amaitu arte. Programazioak 12:30ean jarraituko du, Euskal Jaiaren ekitaldi nagusiarekin, Iruñeko DUGUNA dantza taldearen eta Aiara Dantza Taldearen emanaldiarekin. 13:30ean kantu poteoa hasiko da Fita Fikekinekin.

Bestalde, parkean bazkaria programatu da 15:00etan, eta horretarako tiketa erosi beharko da. Tiketak Txokogorrin, Batzokian, Atxubin eta Aiara Dantza Taldearen lokalean daude eskuragarri, 10€-ren truke.

Programatutako jarduerek 16:30ean jarraituko dute, bertso saioarekin. Arratsaldean, 16:30etik aurrera umeentzako jolasak izango dira Kalakaren eskutik. 19:00etan Lau Esku & Josu Sanchez arituko dira, eta amaitzeko, 21:00etan Beranduegi erromeriak emango dio amaiera jaiari. 

Jaiarekin batera, aste osoan zehar jantzi erakusketa ikusi ahal izango da La Casonan.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide