Urtero bezala, San Juan jaiak emango dio ongi etorria udari Amurrion. Jaia Juan Urrutia parkean ospatuko da datorren ostiralean, ekainak 23.
Egitaraua 17:30ean hasiko da, “kaleko” bertso saioarekin Arabako Bertsolari Elkartearen eskutik. 19:00etan Udal Musika Eskolako Combos taldearen emanaldia izango da. San Juan ospakizunak 19:30etan jarraituko du Scout taldearen txokolatadarekin eta Kalaka eta bere egurrezko jolas parkearekin. 21:30ean, Akelarrea hasiko da Otsemeak taldearen eskutik. Ondoren, 22:30ean, Luhartz taldearen erromeria.
Asteburu musikala
Jaiegun hori aprobetxatuz, tabernek musika-asteburua antolatu dute ostegunetik igandera. Programazioa ostegunean, hilak 22, hasiko da, 19:00etan, Udal Musika Eskolak Antzokian emango duen kontzertuarekin. Emanaldi horren ondoren herriko hainbat taberna hartuko dituen Poteoa etorriko da. Poteoa ostegun eta ostiral arratsaldez, larunbatean 12:30etatik aurrera eta igande goizean luzatuko da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
