Astelehen honetan, abenduaren 4an, ireki dira Amurrioko Etxegoien kalean dauden padel pista berriak. Kirol-konplexu honek hiru padel-pista ditu, kalitate-estandar altuenak betetzen dituztenak. Gainera, erabiltzaileen erosotasunerako erabat hornitutako aldagelak eta joko-saioetan dauden beharrak asetzeko vending-gunea jarri dira.
Irekiera ospatzeko, ate irekien jardunaldiak egingo dira abenduaren 4an, 5ean eta 7an. Egun hauetan, sarrera doakoa izango da instalazio berri hauek ezagutzeko interesa duten guztientzat. Jardunaldi hauetan parte hartzeko eta pista erreserbatzeko 945 359 140 zenbakira deitu beharko da.
Abenduaren 11tik aurrera, instalazioak erabat martxan egongo dira. Erreserbak PlayTomic aplikazioaren bidez edo zuzenean kiroldegiaren bidez egin ahal izango dira. Erreserbetan lehentasuna emango zaie bazkideei eta Amurrion erroldatutakoei. Padel pisten funtzionamendu ordutegia 9:00etatik 22:00etara izango da abenduaren 11tik aurrera, kirola egiteko aukera zabala eskainiz.
Hauek dira tarifak:
Bazkideak:
- 20 €90 minutuk
- 13,33 €60 minutuko
Bazkide ez diren pertsonak:
- 25 €90 minutuko
- 16,66 €60 minutuko