Inauteriak larunbatean hasiko dira, 12:30ean. Egunean zehar erraldoi eta buruhandiek gaiteroekin eta kakarroekin kaleak alaituko dituzte, 19:00etan egutegi Amurrioarran adierazitako hitzordu garrantzitsuenetako bati, Kakarro Birigarro mozorro lehiaketa, bide emateko. Desfilea 19:00etan hasiko da Santa Maria elizatik eta Elexondo, Aiara eta Iturralde kaleetatik igaroko da Juan Urrutia plazara iristeko. Bertan mozorro guztiak aurkeztuko dira eta txokolatada batekin amaituko da.
Mozorro-lehiaketan izena emateko epea otsailaren 5ean hasiko da, 9:00-13:30 eta 16:00-20:00 bitartean, Kultur Etxean, eta otsailaren 9an amaituko da, 13:30ean. Lehiaketak lau kategoria izango ditu, honako sari hauekin:
A kategoria: 1-3 pertsonetako taldeak:
Lehen saria: 100 euro
Bigarren saria: 50 euro
B kategoria: 4-10 pertsonako taldeak:
Lehen saria: 325 euro.
Bigarren saria: 200 euro.
Hirugarren saria: 110 euro.
C kategoria: 10 pertsonatik gorako taldeak:
Lehen saria: 575 euro.
Bigarren saria: 275 euro.
Hirugarren saria: 150 euro.
D kategoria: Haurrak dituzten helduen taldeak, gutxienez 4 pertsona.
Lehen saria: 325 euro.
Bigarren saria: 200 euro.
Gainera, desfilean koreografia onena sarituko da APYMCAren 120 euroko txartelekin, eta parte-hartzaile guztien artean saski bat zozkatuko da 0 kilometroko produktuekin.
Hurrengo jarduerek osatuko dute inauterietako larunbateko egitaraua:
13:30ean Kalejira Batukada Batuere taldearekin.
17:00etan Juan Urrutia plazan musika emanaldia
20:30ean mozorro lehiaketaren sari banaketa
20:00etan JAIKIDE DJa Juan Urrutia plazan.
22:30ean Kalejira eta animazioa Elektrotxaranga Rockkelan taldearen eskutik
01:00etan DJ Blessive Juan Urrutia plazan
Otsailaren 13an, inauterietako asteartean, jarduerak San Anton plazan egingo dira eta egitaraua 16:45ean hasiko da txokolatadarekin, Aurreraka eta Gazteen Gurutze Gorriaren laguntzarekin. Txokolatadak irauten duen bitartean, 17:00etan, "Xaibor Disko Festa" haurrentzako musika ikuskizunak plaza alaituko du, hainbat koreografia eta lehiaketarekin, besteak beste. 2024ko Inauteriei amaiera emateko, Juan Urrutia Plazan Judas Kakarroaren ohiko erreketa egingo da 18:30ean.