Amurriok Arabako Foru Aldundiarekin lan egin du mutualitateen erreklamazio-eskaerei erantzuteko

Erabiltzailearen aurpegia Amurrioko Udala 2024ko ots. 9a, 06:00
Herritarrei Laguntzeko Zerbitzuaren bulegoetan eskatu ahalko da itzulketa.

Eragindako zergadunek ekainaren 25era arte aurkez ditzakete eskabideak. Erretiro- edo baliaezintasun-prestazioa jasotzen duten pertsonek soilik izango dute itzulketa hori jasotzeko eskubidea.

Amurrioko Udalak Arabako Foru Aldundiarekin lankidetzan jardungo du, mutualitateak erreklamatzeko eskabideak aurkeztean egoki iritzitako zergadunei erraztasunak eta arreta emateko, Auzitegi Gorenaren 2023ko otsailaren 28ko 255/2023 epaian oinarrituta.

1979ko urtarrilaren 1a baino lehen lan-mutualitateetan kotizatu zuten erretiroagatiko eta baliaezintasunagatiko pentsioak jasotzen zituzten bidegabeko diru-sarrerak itzultzeko eskatu nahi duten Amurrioko bizilagun guztiak Herritarrei Laguntzeko Zerbitzuaren bulegoetara joan ahal izango dira, Arabako Foru Aldundiak eskatzen duen informazioa jaso edo eskaera-formularioa behar bezala beteta eta sinatuta izapidetu dezaten.

Ogasuneko zinegotzi David Romerok adierazi duen bezala, "gure helburua gure bizilagunek Arabako Foru Aldundiak prestatutako bulegoetara joan beharrik ez izatea eta da, horrela, Amurrioko herritarrak kudeaketa hori izapidetzen hurbiltzea, erraztea eta laguntzea, Lurralde Historikoko beste udal batzuk egiten ari diren bezala, zerbitzuaren eta erabiltzailearen arteko distantzia ezabatzea bilatuz, eta tokiko administrazioa erabilgarriagoa eta hurbilagoa bihurtuz. Azken batean, gure bizilagunek beste udalerri batzuetan erabil daitezkeen zerbitzu publiko berberak jasotzea nahi dugu ".

Eragindako zergadunek ekainaren 25era arte aurkez ditzakete eskabideak, preskribatu gabeko bost urteetako errenta-aitorpena berrikusteko, zehazki, 2018tik 2022ra. Auzitegi Gorenaren epaiak ezartzen duenez, 1978ko abenduaren 31ra arte Lan Mutualitateei egindako ekarpenen/kotizazioen ondoriozko erretiroagatiko edo baliaezintasunagatiko Gizarte Segurantzaren pentsio publikoen zatia, PFEZaren zerga-oinarrian kengarriak izan ez zirenak, % 75ean txertatu behar da. Erretiro- edo baliaezintasun-prestazioa jasotzen duten pertsonek soilik dute itzulketa hori jasotzeko eskubidea, eta ez zaie aplikatuko alarguntasun-pentsioei eta kotizazio gabekoei.

Informazio gehiago nahi izanez gero, herritarrak Amurrioko Udaleko Herritarren Arretarako Zerbitzuarekin harremanetan jar daitezke amurrio@amurrio.eus helbidera idatziz 945 891 161 telefonoan edo aurrez aurre astelehenetik ostiralera, 07:45etik 15:00etara.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide