Amurrioko Udalak gaitzetsi egin ditu atzo, udalerriko jaien testuinguruan, izandako ekintza bandalikoak. Kalteak guztiak parke inguruan izan dira, eta horien artean daude bi komun eramangarri iraulita —haietako bat, anbulatorioaren aurrean dagoen parkean kokatutako komun publikoa, bere edukiontzia espaloi gainean isuri zena, eta bestea Justo Etxeguten kalean, Clarel dendaren ondoan—, bi paperontzi apurtuta eta haurrentzako barraka batean izandako kalteak.
Udalak gogorarazi du jaiak elkargune eta ospakizun une direla, eta herritar guztien konpromisoa eskatzen dutela espazio publikoak eta udal instalazioak zaindu eta mantentzeko. Hiri-altzariak eta jaietarako azpiegiturak guztion ondarearen parte dira, eta haien zaintza erantzukizun partekatua da.
Udalak herritarrei arduraz eta errespetuz jokatzeko deia egiten die, bizikidetzari eta jaien garapen seguruari kalte egin diezaioketen jokabideak saihestuz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
