Amurrioko eta Urduñako Udalek bilera egingo dute Renferekin, C3 aldiriko lineako aldaketen inguruko herritarren kexak helarazteko

Erabiltzailearen aurpegia Amurrioko Udala 2025eko urriaren 17a

Aurreko legealdian ere alkateek bat egin behar izan zuten Renferi hobekuntzak eskatzeko.

Bilera datorren urriaren 22an, asteazkenean, Renferen egoitzan egingo da. Bi udalek egun horretara arte herritarren ekarpenak Herritarrentzako Arreta Zerbitzuetan (HAZ) jasoko dituzte.

Amurrioko eta Urduñako Udalek urriaren 22an, asteazkenean, bilera egingo dute Renfeko ordezkariekin tren konpainiaren egoitzan. Topaketaren helburua bi udalerrietako herritarren zalantzak, kexak eta hobekuntza-proposamenak zuzenean helaraztea da, C3 Aldiriko linearen (Abando–Orduña) ordutegiei eta azken aldaketei dagokienez. 

Azken asteetan jasotako kontsulta eta kexa ugarien aurrean, bi udalek herritarren kezka horiek modu bateratuan bideratzea erabaki dute, Renferi helarazteko eta zerbitzua herritarren beharretara egokitzeko azalpenak eta irtenbideak eskatzeko.

Bi udalerrietako Herritarrentzako Arreta Zerbitzuek (HAZ) irekita jarraituko dute urriaren 22ra arte, herritarren ekarpen guztiak jaso eta bileraren dokumentazioan txertatzeko asmoz.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide