Beste urte batez, Amurriok Ludoteka dinamizatuaren 2. txanda eskainiko du haurrei jolasak, tailerrak eta hainbat jarduera dibertigarriz osaturiko egitarau baten bitartez,euskarazko aisialdi hezitzailerako alternatiba eskaintzeko helburuarekin. Zerbitzua, astelehen, astearte edota asteazkenetan eskainiko da 17:00etatik 19:30era.
Plazak mugatuak dira, beraz, parte hartu nahi dutenek abenduaren 9tik 27ra izango dute izena emateko. Horretarako, Ludotekan (17:00etatik 19:30etara) dagoen formularioa bete eta ordainagiria aurkeztu beharko da (Udaleko kutxazainean edo banku-transferentzia bidez egin ahal izango da, haurraren izen-abizenak adieraziz).
Aurrematrikula egin ondoren, plaza esleitutakoan, behin betiko inskripzioa egingo da. Amurrion erroldatutakoek lehentasuna izango dute eta erroldatuta ez daudenek libre geratzen diren plazak bete ahal izango dituzte.
Prezioa 52 eurokoa izango da, baina baliteke hobari bat izatea, Ludoteka zerbitzua emateko tasa arautzen duen 7. Ordenantza fiskalaren arabera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
