Berbalagun ekimena 16 urtetik gorako herritar guztiei zuzenduta dago, euskara praktikatu nahi dutenentzat, maila edo adina edozein dela ere. Taldeak B1 mailatik aurrerakoak dira, jendea mailen arabera antolatuko da, parte-hartzaile bakoitzak bere erritmoan eta konfiantzaz aritzeko aukera izan dezan.
Zer da Berbalagun?
Berbalagun ez da ikastaro bat, baizik eta euskaraz hitz egiteko gune lasai eta atsegina. Astean behin elkartzen diren talde txikietan, eguneroko gaiak lantzen dira, presiorik gabe eta akatsak egiteko beldurrik gabe.
Berbalagun programaren barruan, honako jarduerak egiten dira, besteak beste:
- Eguneroko gaien inguruko solasaldiak
- Kafea hartuz elkarrizketa informalak
- Gaurkotasuneko albisteak eta intereseko gaiak komentatzea
- Jolasak eta ahozkotasuna lantzeko dinamikak
Horretaz gain, hilabetean behin, familiek beraien seme-alabekin parte hartzeko ere Gurasolagun programaren barnean, beste ekimen desberdinak ere antolatuko dira:
- Hitzaldiak, ikuskizunak, kirol jarduerak... euskaraz
Paseoak eta ibilaldiak euskaraz
Kultur jarduerak eta herriko ekitaldietan parte-hartzea
Helburu nagusia argia da: euskaraz hitz egiteko ohitura hartzea, ahozkotasuna lantzea eta Amurrioko euskararen erabilera indartzea.
Herria euskalduntzeko pausoa
Berbalagun programak, parte-hartzaileen esanetan, ez du soilik hizkuntza maila hobetzen laguntzen; harremanak sortzen ditu, herriko sare euskalduna indartzen du eta euskarari espazio errealak ematen dizkio.
Amurrioko Udalak ekimen hau babesten du, euskararen erabilera sustatzeko eta herritarren arteko kohesioa sendotzeko tresna gisa. Programa honetan parte hartzea dohainik da! Beraz, anima zaitez!
Parte hartu nahi baduzu edo informazio gehiago behar baduzu, jarri gurekin harremanetan hurrengo emailean edo telefonoetan:
info@tourbel.com , Telefonoa: 946562698 / Whatsapp: 644294078
Euskara bizirik nahi badugu, erabili egin behar dugu.
Animatu eta egin zaitez Berbalagun Amurrion!