Jaiak jarduera-egitarau bat baino askoz gehiago dira: herri baten identitatearen parte diren topaketa, ospakizun eta elkarbizitzarako uneak dira. Horregatik, Amurrioko Udalak herritarren iritzia eta ideiak jaso nahi ditu Andra Mari eta San Roke jaiak hobetzen jarraitzeko.
Atzotik, irailaren 1etik, eta datorren irailaren 30era arte, nahi duten pertsona guztiek parte hartu ahal izango dute udal webgunean 2026ko jaiak baloratzeko eta 2027ko jaiei begira dituzten proposamenak helarazteko prestatutako inkesta batean.
Zer gustatu da bereziki? Zer hobetu liteke? Zer jarduera mantendu beharko lirateke? Zer proposamen berri sartu nahiko zenituzke programan? Udalak herritarrak animatu nahi ditu beren iritzi eta iradokizunak partekatzera, hurrengo jaiek, ahal den neurrian, bizi eta gozatzen dituztenen interes eta beharrei erantzun diezaieten.
Behin parte hartzeko epea amaituta, jasotako balorazio eta proposamen guztiak jaietako lan taldean aztertuko dira eta 2027ko programa egiterakoan kontuan hartuko dira. Proposamenak ahal den guztietan sartu ahal izango dira, bideragarritasun teknikoa eta ekonomikoa, balio kultural eta sozialak eta publiko eta kolektiboen arteko oreka bezalako irizpideak kontuan hartuz.
Herritarrei irekitako lantaldea
Parte-hartzea ez da inkestarekin amaitzen. Jaietako lantaldea gune irekia da, eta interesa duen edonork parte har dezake bertan, eta bere ideiak zuzenean eman.
Bilerak, oro har, hileko bigarren astelehenean egiten dira, 18:00etan, Amurrioko Udaletxeko Osoko Bilkuren Aretoan.
Hurrengo bilerak hauek dira:
2026ko urriaren 5a
2026ko azaroaren 9a
2026ko abenduaren 14a
2027ko urtarrilaren 11
2027ko otsailaren 15a
2027ko martxoaren 15a
2027ko apirilaren 12a
2027ko maiatzaren 10a
2027ko ekainaren 14a
Nola parte hartu?
Balorazioa eta proposamenak on line egin daitezke, Udalak prestatutako inkestaren bidez, helbide honetan: https://forms.gle/h7csVFHfvAuwvr749
Aurrez aurreko laguntza ere eskaintzen zaie betetzeko laguntza behar duten pertsonei.
Jaietako Arlora joan daitezke, Amurrioko Udaleko lehen solairuan, astelehenetik ostiralera, 8:00etatik 14:00etara, edo 629 423 306 telefonora deitu.
Parte hartzeko epea: 2026ko irailaren 1etik 30era.
Udalak herritarrak animatu nahi ditu parte hartzera eta beren ideiekin Amurrioko jaiak gero eta parte-hartzaileagoak, inklusiboagoak eta adierazgarriagoak izan daitezen eraikitzera.