Hiriek lehiatu egiten dute. Inbertsioengatik, turistengatik, merkataritza jarduerengatik, ekitaldien ospakizunagatik... baina askotan norgehiagoka eremuak nahasten ditugu, eta gure ingurukoekin lehiatzeari ekiten diogu. Eszenatoki global berria ulertu behar dugu, eta argi izan behar dugu etorkizunari aurre egiteko euskal hiriak elkarrekiko osagarriak izan behar direla, estrategia komunak izan eta mundura modu bateratu batean aurkezteko gai izan behar direla.
Hausnarketa horrek Aiararako balio behar digu. Gure herriek elkar osatzeko gai behar dute izan. Estrategia, zerbitzu eta etorkizunerako proiektu komunak artikulatzeko gai izan behar dute.
Nerbioi Goienako herri bizkaitarrekin batera, garatzeko eta eskualde bezala Euskadiko eta inguruko beste zonaldeekin lehiatzeko estrategia partekatu bat izan behar du Aiara eskualdeak. Lehiatu, enpresak eta turistak erakartzeko. Gure gazteak hemen geratu daitezen lehiatu, gaueko aisialdian, merkataritzan...
Europa mailan “hiri-agenda” bultzatzen ari dira, mugen arteko guneetan. Nerbio Goienak bere hiri agenda propioa garatu behar du, bere herriak eta baserri-eremuak bultzatzeko, modu koordinatu batean bere burua kanpora aurkezteko eta gure nekazaritza-eremuko ekintza eta gaitasunak integratzeko, ezin hobeak diren gure baliabide naturalekin batera. Etorkizunean pentsatzeko garaia da, eskualde mailan partekatua izango den etorkizunean. Aiara-Nerbioi Goiena moduan lehiatzeko unea da.