Nire etxetik herriaren erdigunera jaisten naizenean egunero egiten dut topo Lamuzako Frontoiko eraikin berreskuratuarekin, Musika Etxea bezala ere ezagutzen dena. SOS Laudioko Lamuza Parkea plataformaren mobilizazioek eta Arabako Foru Aldundiaren sentsibilitate instituzionalak egin dute posible berreskuratze hori gauzatzea.
Eta Lamuza Parkean ere kokatua dagoen Kasinoa berreskuratuko da baita. Ondo deritzot horri ere. Eta erabilera anitzeko zentroaren eraikitzea planifikatu da Latiorron. Eta nagusien egoitza zaharra erabilera berriak planteatzeaz hitz egiten da. Eta badugu baita kultura etxea, parkean ere kokatua dagoena. Ez dago dudarik: Laudiok badu ondare arkitektonikoa. Ondorengotza gisa iritsi zaigun bakarra da, zoritzarrez, baina zaindu behar dugu.
Zintzoki uste dut Laudioko Ekipamenduen Plan bat egin behar dela, ekintzak toki batean bildu eta eskaintzaren koherentzia bilatuko duena eta, batez ere, zerbitzu horien etorkizuneko jasangarritasuna bermatuko duena.
Horrela egiten ez bada, inbertsio gaitasuna eta Laudioren modernizazioa hipotekatua geratuko direlakoan nago.