Urtero, Euskal Herriko Joaldunen Biltzarrak hainbat herritako taldeak elkartzeko ekitaldi bat antolatzen du: Joaldunen Festa. Aurtengo edizioa, Laudion ospatu egingo da, Laudioko Ttunutturro Zanpantzar Taldeak antolakuntza-lanetaz arduratu egingo delarik.
Arratsaldeko 18:00etan, Euskal Herrik osotik etorritako joaldun talde guztiak Herriko Plazan elkartu egingo dira, kalejira ikusgarri bati hasiera emanez. Bi orduz, herriko kaleetan zehar euren zintzarriak astinduko dituzte eurek bakarrik sortzeko gai diren giroa sortuz.
Ondoren, gaueko 21:00etarako, herri afaria antolatu egin da. Parte hartzeko interesa dutenek, txartelak 10 euroan eskuragai dituzte Keska Tabernan. Afarian, egun honetan parte hartzera etorritako joaldun talde guztiei oroigarri bana emango zaie.
Udaberriarekin batera uztarako erabiliko ziren lurrak zintzarrien soinuarekin esnatzeko ohitura zahar hori, Nafarroako Ituren eta Zubietan soilik mantendu egin da bizirik, belaunaldiz belaunaldi. Handik, Euskal Herri osora zabaldu da berriro, eta gaur egun, hogei talde inguru dira tradizio horri Euskal Herri osoan zehar eusten diotenak.
Usadio horri jarraituz, talde horietako batzuk Laudion izango dira, gure bazterrak eta arimak esnarazteko asmoarekin.