Amurrioko Udalak SARTU ARABA Elkartearekin akordio bat sinatu egin du, herriko langabetuen artean lan egiteko aukerak sustatzeko asmoz. “Erabilera Publikoko herri eta natural eremuen mantenua” programak 16 pertsonentzako formazio etapa bat eta 6 hilabeteko kontratu profesional bat izango ditu. Programa honetan parte hartzeko asmoa dutenek ondorengo baldintza hauek bete egin beharko dituzte: Gutxienez 4 urtez Amurrion erroldaturik egon izana, Lanbiden gutxieneko 18 hilabeteko aintzinarokotasuna izatea, eta gutxienez urtebeteko lan esperientzia izatea etxegintza, industria, edo industriarekin zerikusia duten zerbitzuen sektoreetan, horien artean ingurugiroarekin loturiko zerbitzuak.
Programa horren lan eskaintza Amurrion Euskal Lan zerbitzua-Lanbidek daukan bulegoan argitaratu egingo da. Baldintzak betetzen dituzten interesdunen kopurua eskainitako lan postuak baino handiagoa izanez gero, hautaketa prozesu bat egingo da.
Izen emate epea maiatzaren 15ean hasiko da, eta maiatzaren 28an izango du bukaera. Amurrioko Lanbide bulegoaren harrera zerbitzua astelehenetik ostiralera eskaintzen da, 8:30etatik 14:00etara.