Gaur egun, bizi dugun krisiaren testuinguruan, kaleratze kasu ugari ematen ari dira. Arazo honi Laudion modu eraginkor batean aurre egiteko asmoz, iaz, Laudioko Stop Kaleratzeak elkartea sortu zen. Kolektibo honek, hedabide honi adierazi egin dion bezala, beren egoitza berria, Nerbioi kaleko 1.go zenbakiko 5. “C” solairuan dagoen udalaren lokal batean kokatu egin dute. Beren harrera ordutegia egoitza horretan izango da, astelehen, asteazken eta ostiral arratsaldero 17:00etatik 19:00etara. Bertan, babes legalaz gain, laguntza psikologikoa ere eskaini egingo dute.
San Blas azokako zozketa.
Horrez gain, plataforma honetako kideek adierazi dutenez, San Blas azokan, otsailaren 2an, zozketa bat burutu egingo dute, zozketan lortutako diruarekin elkartearentzako finantziazioa lortzeko, eta batez ere, arazoak dituzten familiei laguntza emateko.
Momentu hauetan Laudion, 5 kasu omen daude etxegabetzeekin harreman zuzena dutenak, baina Stop Kaleratzeak-eko kideek diotenez, uste baino jende gehiago joan egin zaie aholku bila.