Laudioko Udal Batzordeak prentsaurreko batean adierazi duenez, 15x30 metrotako poligono itxurako estalki mugikorra izango da, guztira 600 metro karratuko azalera izango duena, altuera berriz 8,40 metrotakoa izango da bere punturik garaienean eta 4 metro izango ditu bere punturik baxuenean. Neurri hauek, bertan eszenatokiak ipintzea posible egingo dute.
Udal Batzordearen aburuz, karpa honek hainbat onura ekarriko ditu. Alde batetik, kalean egingo diren aisi, kultura, zein herriko merkatarien ekimen ezberdinak klimatologiak sor ditzazkeen arazoetaz babesteko balioko du, ekimen guzti horiek herriko txoko ezberdinetan egitea posible eginez. Bestetik, orain arteko arazo horietaz babesteko, momentu puntualetan alokatu behar izan diren karpa zein baliabide ezberdinetan erabilitako dirua aurreztea.
Guztira, karpa honek, bere erosketaren gaineko zergak kontutan harturik, 52635 Euroko kostua izango du. Kostu horiei aurre egiteko, udalak erosketaren %45eko dirulaguntza jasoko du Eusko Jaurlariltzaren eskutik, hau da 24.000 euro ingurukoa.
Karpa hau San Blasetan egingo diren ospakizun ezberdinetarako prest egotea espero du udalak.