Badira hainbat urte Lendoñobeitiko biztanleek bere ondare historiko eta kulturala zaintzen hasi zirenetik. Honela, eliza, errota, iturriak, bideak, zubiak edota dorrea, lan handi bati esker sasietatik eta denborak eragindako kalteetatik salbatuak izan dira.
Aipatzekoa da zentzu horretan, Pozako Andra Mari baselizan egin izan den lana, izan ere, Lendoñobeitiko biztanleek beren kofradiarekin batera, ermita honetako barrukaldea berreskuratu egin dute. Poza Lizentziadun ospetsuari izena emango zion ermita honen berreskurapen lan hau, Artziniegako Fernando Ureta margolariak mural batekin aberastu egin du, eraikinaren atzeko aldean egin izan dena. Egileak aipatu egin duenez, erronka handia izan da lan hau gauzatzea, dena den, Fernando Uretak bazuen lan honetan esperientzia, Artzeniagako museo etnografikoko lanean erakutsi izan zuen bezala.
Irailaren 8an, arratsaldeko 18etan, meza eta erromeria batekin ireki egingo da, eta bertaratzen diren guztiek, mural berriaz gain herri honek bere ondarea berreskuratzeko egin duen lana ikusi eta lan horren emaitzaz gozatzeko aukera izango dute.
VIII. Mendi Martxa 9an.
Kulturaz gain, mendia maite dutenek ere badute asteburuan Lendoñobeitin beren zaletasunaz gozatzeko aukera, izan ere, irailaren 9an, igandea, Lendoñobeitiko VIII. Mendi ibilbidea izango da.
Ibilaldi honek Lendoñobeitiko dorrean izango du hasiera goizeko 8:30tan, izen ematea egun berean eta txangoa hasi baino ordu erdi bat lehenago hasiko delarik.
Martxa honek, 21 kilometrotako luzeera izango du, eta ibilbidea hurrengoko tokietatik igaroko da: Lendoñobeiti, Luxarburu, Ollargan gaina, Landetako gaina, Lendoñogoiti, Garondo, Belandia, Babio, Mendeika, Korozen, Llana Gaina eta Lendoñobeiti. Parte hartzaileen artean 8 pertsonentzako asteburu bat zozketatu egingo da Arteondo landa-etxean (Mendeika).