Abuztuaren 13an, astelehena, Tobalina familiak utzitako filme baten emanaldia egingo da Amurrioko Antzokian, Aztarna Kultur Elkartearen eskutik, arratsaldeko 20:00tatik aurrera.
20 minutuko proiekzio honek aukera paregabea eskeiniko digu Amurrioko irudi historiko ezberdinak ikusi ahal izateko dohainik, izan ere, 1927 eta 1945 urteen arteko irudiak izango dira ikusgai, irudi horiek musikarekin girotuta egongo direlarik.
El Reforren irekiera, frontoia...
Bideo emanaldi honetan batez ere irudi erlijiosoak izango dira ikusgai, Domundeko prozesioa, Aste Santuko irudiak eta Amurrioko apaizenak besteak beste, baina irudi horietaz gain badira ere Amurrioko hainbat leku esanguratsuetako irudiak, besteak beste, El reforren irekierako ekitaldiaren irudiak, frontoiaren irudiak, edota Amurrioko paisai ezberdinak.
Lehen aipatu bezala, proiekzioa, hurrengo asteleheneko, abuztuaren 13a, 20:00etatik aurrera Amurrioko Antzokian izango da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
