Mozkortzen gaituzu baina beti joaten gara etxera bakarrik. Zure eskuak irekitzen dizkiguzu astebururo baina gaueko bostetan Antzokira bidaltze gaituzue. Gaua inoiz ez dela amaituko hitza ematen diguzu astebururo, baina lehenengo eguzki izpiekin etxera joan behar gara edo nola ez, Aldatz tabernara gosaltzera. Jasan ditugun jauzi ikusgarrietan egon zara lekuko bezala, barreak eutsi ezinean. Aje guzti-guztietan ere bai, kafe fuerte batekin lokartu ez gaitezen.
Diodan bezala gure bizitzan gertatu diren istorio askoren ikusle izan zaitugu, kasu batzuetan ere protagonista. Une batzuetan zuri esker pertsona ikaragarriak ezagutu ditugu, besteetan “ezagutzen” genituen pertsonekin benetako harremana sortu dugu. “Maite zaitut” urduri asko atera zaizkigu pentsatu gabe horma horien artean, baina agur mingarri asko jasan ditugu zurekin alboan. Horregatik, gurekin bizi izan dituzun gauza hauengatik eta asko gehiagorengatik… zer egingo nuke zu gabe ene Malekoi maitea!
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
