Azaroaren 5ean Ikasle Eguna Billabonan ospatuko da, bertan, goizeko 11etan Ikasle Topaketak hasiko dira eta aldi berean, Hezkuntza Sistema Nazionalaren aldeko gunea egongo da frontoian.
Eguerdirako, bazkari herrikoia antolatu dute eta arratsaldeko 5etatik aurrera Irrien Lagunak-eko kideek eta Patxaranga elektrotxarangak alaituko dute Billabona. Arratsaldeko 7etan, aldiz, ekitaldi politikoa izango da karpan eta 20:00etatik aurrera 14 musika taldek girotuko dute 2011ko Ikasle Eguna.
Egun horren ondorioz, Aiarako Ikasle Abertzaleak biharko, urriak 29 hain zuzen, Aiara mailako Ikasle Egun txikia antolatu du Laudioko gaztetxean. Herrian hainbat ekintza egongo dira arratsaldean zehar, hala nola, kontzentrazioa 20etan.
Horren jarraian trikipoteoa egongo da Laudiotik eta gaueko 9etan afaria izango da gaztetxean. Afariko ticketak larunbatean gaztetxean bertan egongo dira salgai 5 eurotan.
Afaldu ondoren, 23ak aldera, ekitaldia egingo dute eta, ondoren, Artaza Combat, Herrikadak eta Itxaropen Zikiña taldeen kontzertuek emango diote amaiera Aiaraldeko Ikasle Egun Txikiari.