Hiri Ordenamendurako Plan Orokorraren erredaktoreek Laudioko Ugarte auzoaren eta herriaren erdialdearen arteko trafikoa hobetzeko aukera aurkeztuko diete politikari eta herritarrei. Horretarako Lamuza kalea zabaldu nahi dute, aparkalekua bi alboetan dagoenez, hirugarren errei bat eraikitzeko lekua dagoelako.
Egun berezietan beharrezkoa bada, eta Lamuza kalea itxita baldin badago, larrialdietarako ibilgailuentzako Lamuzako parkea irekitzea proposatu dute Plan Orokorra idatziko dutenek.
Halaber, Ugarte eta erdialdearen arteko ibiltarien joan etorria parketik indartu nahi dute. Hobekuntza hori gune berdeak birgaitzeko planaren esku joango dira, errekaren berreskurapenarekin hasiko dira urbazterrak bertakotzen.
Lamuza kalearen gelditzea punta orduetan gertatzen da bereziki, hau da, ikastetxeen irekiera eta itxiera orduekin. Kasu horretan, ordutegiak aldatzea kontuan izango da.
Txostenak semaforoak egoki antolaturik daudela nabarmentzen du, hala ere, segurtasuna bermatzeko Zumalakarregiko 25. zenbakiaren parean zegoen zebrabidea kendu zuten.