Gabonak gainean ditugu ia–ia, eta aurten ere, Kirikiño Aisialdi Taldeak hainbat ekintza antolatu ditu umeak oporretan aspertu ez daitezen. Hurrena, hilabetean behin antolatzen duten sorgin zapatua da, larunbat honetan bertan, Basalarrinan, arratsaldeko 17:30ak aldera. Ordubetez ipuin kontalariekin gozatu ondoren, umeek Kirikiñoren kontura askaltzeko eta mitologia zintzilikari batzuk etxera eramateko aukera izango dute.
Gabonak gainean ditugu ia–ia, eta aurten ere, Kirikiño Aisialdi Taldeak hainbat ekintza antolatu ditu umeak oporretan aspertu ez daitezen. Hurrena, hilabetean behin antolatzen duten sorgin zapatua da, larunbat honetan bertan, Basalarrinan, arratsaldeko 17:30ak aldera. Ordubetez ipuin kontalariekin gozatu ondoren, umeek Kirikiñoren kontura askaltzeko eta mitologia zintzilikari batzuk etxera eramateko aukera izango dute.
Haur guztiek jakingo dutenez, Olentzero etortzeko eguna hurbil daukagu; hala ere, lehenago gutunak ikazkinei eman behar dizkiete, horretarako, abenduaren 17an Ugartera hurbiltzen diren guztiek euren eskaerak Olentzeroren laguntzaileei jakinarazi ahal izango dizkiete Laudioko talde honi esker.
Ekimen horietaz aparte, Kirikiño Aisialdi Taldeak bi irteera dauzka prest Gabonetarako: lehenengoa, abenduaren 28an, asteartea, Bilbon paintball laserrean aritzera eta bigarrena, abenduaren 30ean, osteguna, Gasteizko izotz pistan ondo pasatzera. Ekintza biak arratsaldez izango dira, DBHko 1. mailatik gorakoentzat eta LHko 3. maila baino gorago daudenentzat, hurrenez hurren. Irteerotan izena eman nahi duena, Laudioko kultura etxetik abenduaren 17a baino lehen pasatu behar da; irteera batera joateko prezioa 15€koa da. Bietara joateko asmoa duenak, berriz, 25€ ordaindu beharko du. Hortaz, ANIMA ZAITEZTE!!
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
