Okondoko Udalak txango interesgarria antolatu du abuztuaren 14rako 13-17 urte bitarteko gaztetxoentzat. Urduñan arroilak jaisteko irteera, alegia. Modu honetan, abentura horri ekingo dioten gazteek udaz gozatzeaz ez ezik, aisialdia euskaraz gozatzeko aukera paregabea izango dute.
Okondoko Udalak txango interesgarria antolatu du abuztuaren 14rako 13-17 urte bitarteko gaztetxoentzat. Urduñan arroilak jaisteko irteera, alegia. Modu honetan, abentura horri ekingo dioten gazteek udaz gozatzeaz ez ezik, aisialdia euskaraz ere gozatzeko aukera paregabea izango dute.
Antolatzaileek adierazi bezala, arroilak jaisteko beharrezkoak diren segurtasun neurri guztiak erabiliko dira. Hala, parte-hartzaile bakoitzak material homologatua eta bere neurriko neoprenoa, arnesa eta kaskoa eramango ditu. Ekintza garatzen den bitartean begirale kualifikatuak arituko dira taldearekin.
Izena emateko epea zabalik egongo da abuztuaren 12ra arte. Okondon erroldatuak daudenek 18euro ordaindu behar dituzte, erroldatuta ez daudenek, ordea, 34 euro. Txango hau egiteko plaza kopurua mugatua izango da eta taldea osatzeko 15 pertsona behar dira.
Izena ematen dutenek Arenalde Parketik aterako dira abuztuaren 14an goizeko 9:30ean. Ekintza goiz osoan zehar luzatuko da, itzulera 14:30etarako aurreikusita dago
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
