Urte asko igaro dira 1908an New York-eko fabrika batean 146 emakume langile hil zirenetik. Gertaera honek oihartzun handia izan zuen jendartean, geroztik gaur egun arte, eguneko protesta bilakatu da mundu osoan zehar martxoaren 8a. Era honetan eta gertakari honi erreferentzia eginez, Emakume Langilearen Nazioarteko Eguna ospatu ohi da. Egun, emakume eta gizonezkoen berdintasunaz gain, eredu parekide baten aldarrikapenak izaten dira nagusi.
Laudioko Udalak iragan astelehenean, hilak 21, prentsaurrekoa eman zuen martxoaren 8rako elkarte eta eragile ezberdinekin kanpaina eta egitaraua bateratua gauzatzeko asmoa duela adieraziz. Iaz bezala, aldarrikapenak eta ekintzak elkarlanean antolatuko dira sentsibilitate eta adierazpen ezberdinak aintzat hartuz.
Amets Meaza zinegotziaren hitzetan iazko esperientziaia positiboa izan zen: “Iaztik ekintzak euskaraz ere egiten dira eta zenbait eragileren parte hartzea bermatuta egon zen, Solastiar emakume taldea, Laudioko gazte mugimendua eta Avillo alargun elkartea, besteak beste.
Martxoaren 8ko egitasmoan parte hartzeko izen ematea otsailaren 8a baino lehen egin beharko dute eragileek. Prestaketa lanei ekiteko, otsailaren 4an, astelehena, egingo da bilera, goizeko 11:30ean.