Urtarrilaren zehar, hilak 15, 22 eta 29an hain zuzen ere, elikatze-burujabetzari buruzko zine zikloa ikusgai izango da Amurrioko Antzokian. Emanaldia Bizilur, Mundubat eta EHNE Bizkaia Gobernuz Kanpoko Erakundeek antolatua dute. Guztira lau proiekzio eskainiko dira, hauen ardatzak elikagaien ekoizpena, kontsumoa, aizuntzea, ekologia eta laborarien egoera izango direlarik.
Hiru egunetan emanaldiei arratsaldeko zazpietan emango zaie hasiera eta hiruretan ere, sarrera doainik izango da.
Urtarrilaren 15ean “Gure lurra, gure etorkizuna / Nuestra tierra, nuestro futuro”” ikusteko aukera izango da. Dokumental honek nekazarien nazioarteko mugimenduak arazo globalei aurre egiteko asmoz proposatutako alternatibak aztertzen ditu.
Urtarrilaren 22an Antzokira gerturatzen den orok “Pig bussines” eta “Dos tomates y dos destinos” dokumentalak ikusteko aukera izango du. Lehenengoak, batetik, baserrietan eman den industrializazio bortitzaz hitz egiten du, bestetik, baserrietako animaliek pairatutako tratu lazgarriak eta eurek jan beharreko elikagaien aizuntzea argitara ateratzzen du.
Bigarrena 9 minutuko larbumetraia da. Zuzendariak bi tomateren arteko elkarrizketa humoretsuaren bitartez elikagai transgenikoen eta naturalen arteko ezberdintasunak mahaigaineratzen ditu. Izan ere, larbumetraiak elikagai-industria ereduaren zentzugabekeria salatzen du.
Zine zikloa urtarrilaren 29an amaituko da “Defensoras de la tierra” dokumentalarekin. Europako eta Latinoamerikako nekazarien bizipenetan eta egoeretan oinarrituta, elikatze-burujabetzaren ideia defendatzen du.