Lau urte daramatza Udaleko Berdintasun sailak “Berdintasunean hezitzen” ekimenaren bitartez herriko eskoletan heziketa ez sexista lantzen. Programa bost urteko umeei bideratuta dago.
Heziketa honen xedea, jolas, tailer, antzerki eta ipuin kontaketen bidez, generoa oztopo izan gabe, pertsonalitatearen garapena indartu, sexismo kulturala zuzendu eta txikitatik suerta daitezkeen ezberdintasunak ekiditzea litzateke, besteak beste.
Lau urte daramatza Laudio Udaleko Berdintasun sailak “Berdintasunean hezitzen” ekimenaren bitartez herriko eskoletan heziketa ez sexista lantzen. Programa bost urteko umeei bideratuta dago.
Heziketa honen xedea jolas, tailer, antzerki eta ipuin kontaketen bidez, generoa oztopo izan gabe, pertsonalitatearen garapena indartu, sexismo kulturala zuzendu eta txikitatik suerta daitezkeen ezberdintasunak ekiditzea litzateke, hain zuzen ere.
Programak, guraso zein hezitzaileen parte hartzea aldarrikatzen du. Alegia, berdintasunean hezitzea familiatik hasita. Lan hau errazteko asmoz, gurasoei eta hezitzaileei zuzenduta dagoen jostailuen eta ipuinen aukeraketan lagungarria den gida bat argitaratu du Udaleko Berdintasun sailak. Umeen garapen osoa ahalbideratuko duena, jostailuak eta ipuinak adinaren eta gaitasunaren arabera sailkatuz, eta ez sexuaren arabera. Gidak eskaintzen duen ipuin ez sexisten bibliografiak berdintasunean oinarritutako irakurketa sustatzen duen bitartean, kutsu sexista txertaturik duten ipuin tradizionalak baztertzen ditu.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
