Aiaraldeak bat egingo du Emakumeenganako Indarkeriaren Aurkako Nazioarteko Egunarekin

Eskualdeko hainbat herritan hamaika ekintza antolatu dira gizonezko eta emakumezkoen arteko berdintasuna lortzeko eguna oso urrun dagoela gogoratzeko. Izan ere, datorren igandea, azaroak 25, egutegian markatuta dagoen eguna da, alegia, 'Emakumeenganako Indarkeriaren Aurkako Nazioarteko Eguna'.

Egun honek, batetik, Emakumeenganako indarkeria egoera guztiak berehala gaitzetsi behar direla gogorarazten du. Bestetik, emakumeen eta gizonen arteko aukera-berdintasun handiagoaren alde lan egiten jarraitu behar dela.

Azaroaren 25erako antolatutako ekintzak, herriz herri:

OKONDO:

• 18,00etan elkarretaratzea Aranalde parkean
• 18,15etan helduentzako bakarrisketa “Respétame”,eskolan
• 18,15etan umeentzako tailerrak, eskolan

LAUDIO:

• Goizean zehar, Lamuza Plazako zuhaitzetan “Artilearen Ekintza”
• 13,00ean kontzentrazioa, Solastiar Emakume Taldeak Antolatuta, Lamuza parkean.

AMURRIO:

• 12,00etan “Denok bortizkeriaren aurka” VI. Marrazki-lehiaketako sari banaketa, Amurrio Antzokian
• 13,30etan Kontzentrazioa, komunikatuaren irakurketa eta lazo zurien banaketa, Juan Urrutia plazan
• 19,00etan Neska eta mutil amurriarrek “Beldur Barik” lehiaketarako egin duten film laburren emanaldia, Amurrio Antzokian (sarrera dohainik)

URDUÑA:

• 13,30etan Parekidetasun Batzordeak bultzatuta, hitzarmenaren izenpetzea, Foru Plazan.

AIARA-ARESPALDITZA:

• 12,00etan kontzentrazioa, Aiarako Udaletxearen aurrean
• 12,15etan “Aiaran beti tratu onak” marrazki lehiketaren sari banaketa,Aiarako Udaletxearen Aretoan, Arespalditzan
• 12,30etan “Ezagutu Aiara” argazki lehiaketaren sari banaketa, Aiarako Udaletxearen Aretoan, Arespalditzan
• 13,00ean helduentzako bakarrizketa, “Respétame”. Bitartean umeentzako tailerrak ludotekan, Aiarako Udaletxearen Aretoan, Arespalditzan

Ekintza hauetaz aparte beste batzuk egongo dira igandea aurretik eta ondoren.