Aiarako Udalak irailaren 22, 23 eta 28rako hamaika ekitaldiz osaturiko egitaraua prestatu du. Larunbateko, hau da, 22ko ekintzetan euskarak paper nagusia bereganatuko du, izan ere, “euskaraz bizi nahi dut” lelopean ospatuko dira egun horretako ekintza guztiak. Ekintza hauek eta gainontzeko guztiak Arespalditza herrian izango dira eta antolatzaileek jakinarazi duten moduan, eguraldi txarra balego, ekimena udaletxean egingo litzateke
Ekitaldi garrantzitsuena irailaren 22an izango da, alegia, HERRIZ HERRI AIARA UDALERRIAREN PUZZLEAREN OSAKETA. Horretarako, udalerriaren egurrezko mapa prestatu da, bere herri guztiak irudikatzen dituzten 24 piezaz osatua. Herri bakoitzaren ordezkari gisa, bertako ume, ume talde, edo beste norbaitek, dagokion pieza udalerriko mapan kokatu eta euskarazko goiburu edo esaldi labur bat irakurriko du.
Irailak 22, larunbata, “EUSKARAZ BIZI NAHI DUT”:
18,30: Aiarako 24 herrietako bizilagunen Topaketa Arespalditzako Ferialean, musikagiroketa
Fi ta Fik taldearekin
18,45: Kalejira herriko plazaraino
19,00: Herriz herri, Aiara Udalerriaren puzzlea osatzea, eta bakoitzari dagokion lema
irakurtzea. Herriko Plazan
19:30, Txokolatada
Irailak 23, igandea, “IGANDE ARRATSALDEAK FAMILIAN”:
17,00: Clown ikuskizuna, udaletxean
18,00: Askaria, Sindikatuan
18,30: Umeentzako eskulan-tailerra, Sindikatuan
Irailak 28, ostirala, “UDAZKENEKO ZIKLOA”:
19,30: Diaporama + solasaldia “IRAN”, udaletxean
(Asier Arantzabal & Mila Gallastegi)