Laudioko Udalak Apaloetako (Latiorro auzoa) babes ofizialeko hiru etxebizitza Apdema elkarteari alokairurako utziko dizkio. Izan ere, gabezi intelektualak pairatzen dituzten pertsonen alde lan egiten duen elkarte arabarrak etxebizitza hauen beharra azaldu du behin eta berriro.
Gobernu-taldeak zein gainontzeko alderdi politikoek erabakia hartu zuten iragan den abuztuaren 10ean. Urkixo alkatearen hitzak jarraituz, "ez dago inolako asmorik etxebizitza hauetatik irabazi ekonomikoak ateratzeko, hala ere, gutxieneko alokairua kobratzea adostu da Apdemak Eusko Jaurlaritzarekin arazoak izan ez ditzan". Hau dela eta, Apdemak 600 euro ordaindu beharko ditu guztira hiru etxebizitzak alokatzeagatik, hots, 200 euroko prezioa etxebizitza bakoitza alokatzeagatik.
Elkarteak erabiliko dituen pisuak hogeita bederatzi etxebizitzetako bloke batean daude kokatuta eta hauetaz baliatuko da bost urtez, behin epe hau igarota, udalak luzapen bat onartzea aztertuko du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
