Martxoaren 11rako, hau da, datorren iganderako, Laudioko Berbalagunek plan erakargarria proposatzen dute. Izan ere, Pagolar (721 m) mendira igotzeko txango bat antolatu dute. Plan hobezina sasoian jartzeko eta mingainak euskaraz astintzeko. Bestalde, astebururako eguraldiaren iragarpenak onak dira.
Ekimena Laudioko Berbalagun talde baten eskutik dator, eta epe laburrera begira taldeak inguruko beste menditara irteerak egiteko asmoa ageri du. Beraz, igandekoa zerrenda luze baten hasiera izan liteke.
Martxoaren 11rako, hau da, datorren iganderako, Laudioko Berbalagunek plan erakargarria proposatzen dute. Izan ere, Pagolar (721 m) mendira igotzeko txango bat antolatu dute. Plan hobezina sasoian jartzeko eta mingainak euskaraz astintzeko.
Bestalde, astebururako egindako eguraldiaren iragarpenak onak dira.
Ekimena Laudioko Berbalagun talde baten eskutik dator, eta epe laburrera begira taldeak inguruko beste menditara irteerak egiteko asmoa ageri du. Beraz, igandekoa zerrenda luze baten hasiera izan liteke.
Txangoari hasiera emateko taldea herriko plazako San Pedro elizpean bilduko da goizeko 9:00etan, eta goiz osoa luzatzeko aurreikuspena dago. Hau dela eta, ez ahaztu motxiletan hamaiketakoa egiteko edari eta janaria eramatea.
Irteeran partehartzeko ez da beharrezkoa izena ematea, nahi duen oro joan daiteke eta doan izango da. Baldintza bakarra, ondo pasatzeko eta euskaraz hitz egiteko gogoa izatea da.
Informazio gehiago eskuratzeko hurrengo telefono zenbakira deituz lor daiteke: 607673744, edota helbide elektroniko honetan harremanetan jarriz: laudio_aek.org.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
