Hilabete honetan Aiarako Eri Psikiko eta Senideen Elkarteak (ASASAM) abian jarriko du “la salud también va contigo “kanpainia. Hau dela eta, Aiaraldeko hainbat herritan berrerabiltzeko poltsak bananduko dituzte: Laudion, Amurrion, Orozkon, Artziniegan eta Urduñan, hain zuzen ere.
Hastear dagoen kontzientziazio kanpainaren xede nagusia gizartean eri psikikoekiko zabalduta dauden ezjakintasunari eta aurreiritziei aurre egitea litzateke. Izan ere, gaur egun oraindik, eri psikikoek nolabaiteko bazterketa nozitzen jarraitzen dute. ASASAM-en iritziz, bazterketa modu hauek gehienetan informazio ezan oinarrituta daude. Jarrera hauen artean bazterketa soziala, mesprezua eta diskriminazioa dira nagusi.
Poltsen Banaketa martxoaren 2an hasiko da Laudioko Maxi Eroski-n eta 14an bukatuko da Urduñan; Eroski, Dia eta Donato supermerkatuetan. Poltsen barruan eta jendeari informazioa eskaintzeko helburuaz, gaixotasun mentalei buruzko tríptikoa aurkitu ahal izango da.
Esan bezala, Laudion martxoaren 2an hasiko da kanpaina eta 7ra arte luzatuko da. Martxoaren 2an goizeko 10:30etatik eguerdiko 12:30etara gauzatuko da banaketa Eroski-n. Martxoaren 5ean, eta ordutegi berdinean, Berriak-en (Motxotekale kalean) izango dira. Martxoaren 6an, Zumalakarregiko Berriak eta Dia supermerkatuetan bananduko dira poltsak. Amaitzeko, martxoaren 7an, Eroski Charter-ean, beti ere goizeko ordutegian.
Kanpainarako erabili izan den irudia FEAFES-ek (estatu mailan Eri Psikiko eta Senideen Elkarteak) antolatutako logotipo lehiaketan nagusitutako irudia da.
Informazio gehiago nahi izanez gero, hurrengo telefono zenbakira deituz lor daiteke: 944034690. Edota hurrengo posta helbidera idatziz: asasam@euskalnet.net.