Basalarrina Elkartea bi proposamen berrirekin datorkigu bukatzear dagoen hilabete honetarako. Alde batetik, bi euskal aktore bikainen lana aurkeztuko da, “Xentimorik gabe” antzezlana hain zuzen ere. Antzezlana ikusteko aukera paregabea izango dugu otsailaren 23an arratsaldeko 7,30etan. Bestetik, otsailaren 27tik aurrera “Emakumeak Dantzan” ekimenaz gozatu ahal izango dute eskualdeko neskek.
“Xentimorik gabe” lanari dagokionez, Ramon Agirre eta Iñazio Tolosaren antzezlan honek bi hamarkada baino gehiago munduan zehar ibilitako bi artisten istorioa dakar eszenara.Ospea gertutik ezagutu dute, luxua dastatu eta musikari onenekin egon dira oholtza gainean. Hau guztia dela medio, jarratzaile mordoa dute munduan zehar, baina etxera itzultzeko ordua heldu zaio bikoteari…Agirre eta Tolosaren lanak tartetxo dibertigarri bat eskainiko du eta, gainera, doan izango da.
“Emakumeak Dantzan” ekimena emakumeentzat soilik zuzenduta dago. Honek emakumeak dantza, mogimendua eta energien inguruan biltzeko asmoa dauka. Egipziar dantzaren mogimenduetan oinarrituta emakumetasunarekin lotu eta disfrutatzeko tartea eskainiko du. Ariketa sakona bezain aberasgarria izan daiteke edozein emakumerentzat. Otsailaren 27an emango zaio hasiera ekimen honi eta emanaren 11arte astelehenero arratsaldeko zazpietan. Emakumeak Udaletxe zaharreko lehenengo solairuan bilduko dira. Izena emateko marta@yahoo.es edo basalarrina@gmail.com helbideen bitartez egin daiteke. Edozein zalantza argitzeko ere hurrengo telefonoan jar zaitezkete harremanetan; 607673744. Antzezlana bezala, hau ere doan izango da.