Aurten, iaz bezala, Kantauriko Urkidetza heziketa programaren barruan, Lehen Hezkuntzako 4.mailako 320 ikasle baino gehiagok parte hartuko dute. Oraingoan ere, txikienek ura aurrezteko aholkuak eskainiko dizkigute.
Aurten, iaz bezala, Kantauriko Urkidetza heziketa programaren barruan, Lehen Hezkuntzako 4.mailako 320 ikasle baino gehiagok parte hartuko dute. Oraingoan ere, txikienek ura aurrezteko aholkuak eskainiko dizkigute.
Iaz Aiara Haraneko 12 ikastetxeetako ikasleek, gainontzeko eskolak ura aurreztera animatzeko asmoarekin, horma-irudi batean hamarnaka aholku berregin zituzten, “Dutxatzea bainatzea baino hobe”,“Landareak gauean ureztatu” edo “Tangan dagoen ur gutxiko botoia sakatu” bezalako aholku xumeak luzatuz. Lehiaketan Fabian Legorburuko ikasle batzuk gailendu ziren.
Horrez gain, Kantauriko Urkidetzak Aiarako ikastetxeak Maroñoko presa eta Partzuergoko instalazioak bisitatzera gonbidatzen ditu, dohaineko autobusak eta bisita gidatuak jarriz. Bisitan, besteak beste, gure haraneko uraren zikloa, ur araztearen prozesua eta eguneroko kontsumoan aurrezteak duen garrantzia ezagutaraziko da.
Lehiaketaren II.deialdia azaroaren bukaera arte irekita dago. Orduan, alde batetik, gela txapelduna zein izan den, eta bestetik, aditu txikienek ura aurrezten jarraitzeko gomendatzen dizkiguten aholkuak ezagutuko dira.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
