Laudioko ostalariek eta APILLek urriaren 29an, 30ean eta 31n eta azaroaren 1ean, 5ean eta 6an herrian ospatutako Aste Mikologikoak izandako abegia eskertzen dute. Izan ere, ekintza honek arrakasta handia lortu du Laudio eta inguruetako gastronomia zaleen artean.
Atzo bertan, azaroaren 10ean, Laudioko Gastronomia Museoan arratsaldeko 20.15etan irabazleek euren plakak jaso zituzten. Pintxorik onenaren mailan Tunel jatetxea irabazle izendatu zuten eta kazolatxorik onena Ametsarentzat izan zen. Era berean, Salourako bi pertsonentzako bidaia nori egokitu zaion aditzera eman zen. Bestetik, 8 afariren zozketa egin zen mikologia ibilbidean herri bozketako kupoia zuzen bete zuten parte hartzaileen artean. Afari hauek ekimen honetan kide izan diren taberna eta jatetxeetan gauzatuko dira. Besteak beste, Karrikan, Ametsan, Tunelean edo Batzokian.
APILL erakundearen eta ostalarien grinari jarraituz, eta bezeroari zuzentzen zaion zerbitzua hobetze aldera, hurrengo bi asteetan ostalari talde batek pintxoen ekoizpenaren inguruan ikastaro praktiko bat aurrera eramango du. Ikastaroa Arabako Foru Aldundiaren diru laguntzari esker posible bilakatu da. Helburu nagusien artean sektorea berrikuntza bezalako gaietan trebatzea litzateke, edota errealitate berriei egokitzeko gakoak eskaintzea, hala nola, pertsona zeliakoei zuzenduta dagoen pintxoen eskaintza sustatzea, pertsona hauek ere pintxoak dastatzen goza dezaten.