aiaraldea.eus

Martxoaren 11n iritsiko da Laudiora Arabako Bertsolari Txapelketa

Erabiltzailearen aurpegia Arabako Bertsozale Elkartea   Kultura

Zehaztu dira dagoeneko finalerdietako bigarren itzuliko saioak. Martxoaren 11n Laudion abestuko du Asier Rubiok, eta 18an Aramaion arituko dira Izar Mendiguren eta Serapio Lopez.

Martxoaren 11n iritsiko da Laudiora Arabako Bertsolari Txapelketa
Atzoko saioaren irudi bat. Argazkia: Arabako Bertsozale Elkartea | Ikusi handiago | Argazki originala

Prestatu daude Arabako Bertsolari Txapelketako azken hiru finalaurrekoak. Bertan arituko dira Aiaraldeko hiru bertsolari.  Martxoaren 11an Asier Rubio aiararra arituko da Laudion. 18an, aldiz, Izar Mendiguren eta Serapio Lopezen txanda izango da, Aramaion. Mendigurenek 199,5 puntu lortu zituen lehen itzulian, Lopezek 227,5 eta Rubiok 204,5. Bigarren itzulia bukatzean, puntuaketak batuta, erabakiko da apirilaren 1ean Gasteizko Printzipal Antzokian txapela eskuratzeko aukera izango duten sei bertsolarien taldea.

Atzoko saioaren kronika:

Otsailaren 5ean Langraizen hasi zen Arabako Bertsolari Txapelketa. Igande arratsaldean Dulantzin jokatu zen txapelketako 3.finalaurrekoa. Oholtza gainean, Arabako bertso eskolen sarea irudikatu nahi duen amaraunaren pankartaren aurrean eta Lierni Altuna gai emailearen agindutara sei bertsolari, hurrengoak:

Ander Solozabal Kortabarria - Gasteiz
Izar Mendiguren Cosgaya - Legutio
Oihane Perea Perez de Mendiola - Zalduondo
Asier Otamendi Alkorta - Gasteiz
Jon Ruiz de Pinedo Lekuona - Zalduondo
Paula Amilburu Izargarai - Aramaio

Ariketa guztiak egin ondoren, Asier Otamendik lortu zuen puntu gehien, 237,5 puntu. Puntuazioak ondorengoak izan ziren:

Asier Otamendi, 237,5 puntu

Oihane Perea, 235,5 puntu

Paula Amilburu, 235 puntu

Ander Solozabal, 216,5 puntu

Izar Mendiguren, 199,5 puntu

Jon Ruiz de Pinedo, 188 puntu

 

Datorren asteburuan ez da saiorik egongo. Martxoaren 4an , Legution, 2.itzulia abiatuko da.

Bertsolari bakoitzak ariketa ezberdinetan lortutako puntuazioak, jarritako gaiak eta argazkiak hemen ikusgai.

Bertsoaldi bideo aukeraketa asteazkenetik aurrera bertsoa.eus-en

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa